السلام عليكم ورحمة الله وبركاته


معروض للبيع ولأول مره القعود منهومان .. ساس وراس وشكل فاخر ومن وين ماحفته ماعفته
والعرض فرصه للي يحرص على الفحول من المعامق المشهوره واللي اثبتت قوتها في المزاينات


ولد منهومان بعير الشيخ مسفر بن حسين بن قويد الدوسري الله يطول عمره

سنه داخل لقي ويجذع عقب سهيل السنه القادمه ان شاء الله


القعود شقه وجنب وعمر راهي ولون اسود سواد الكحل ووبره حرشا معكرشه وعظام جلال ومسير هوال .. والاشهر الاخيره قام يتطور بشكل كبير وان شاء الله ما يوصل ثني الا وهو في مصاف الندر والصور والفيديو توضح كل شي وحياكم في العزبه للمعاينه

القعود انحرد في ركبته اليمنى وهو مفرود ولا ترده من شي يمشي وبيضرب ولاهي بضارته ان شاء الله

عليه سوم جديد 67 الف ولاهي قيمته والنيه ان شاء الله بياع للي يعطيه قيمه مناسبه وكلكم نظر


وسبب البيع عندي اثنين من الفحول المنتجه ولله الحمد قلت ابيعه واجيب بقيمته نياق ان جاب قيمه مقنعه

وهذي صور لبعض اخوانه وخواته من الفحل اسأل الله ان يبارك لأهلها:


بكره خابر سومها 970 الف قبل عدة سنوات

قعود خابر سومه 250 الف وهو حق قبل عدة سنوات



قعود خابر سومه 160 الف وهو حق قبل سنتين

وابوه خابر سومه عدة ملايين ماشاء الله تبارك الله اسأل الله ان يبارك لأهله فيه وله عرض جديد على قناة الصحراء وبأحاول اوافيكم بصور له ان شاء الله تعالى

وهذي صور حديثه للقعود :









وهذا فيديو واعتذر الفيديو مختصر حتى يمكن ارساله واتس اب :


http://www.youtube.com/watch?v=rzfdXpB--IU&feature=youtu.be

الموقع: الشرقيه - النعيريه - سوق الابل شرق معارض السيارات - عزبة ممدوح الشريف
جوال او واتس : 0546999758